സഹായം ചെയ്യുന്നതില്‍ ഒരു മടിയും കാണിക്കാതിരിക്കുക.കാരണം സഹായിക്കുന്നവരോടൊപ്പമാണ് ഈശ്വരന്‍.വളരെ നിസ്സാരമെന്നു തോന്നുന്ന ചെറിയ സഹായം വരെ ഒരു ജീവിതത്തിന് വെളിച്ചമേകിയേക്കാം.ഒരു ദിവസം ഒരാള്‍ക്കെംകിലും സഹായമേകാം.
-ജ്യോതിഷരത്നം പ്രശാന്ത് കണ്ണോം-
അന്ത്യേഷ്ടി :
ഭസ്മാന്തം ശരീരം എന്നാണ് വേദങ്ങളില്‍ പറഞ്ഞിരിക്കുന്നത്. അതുകൊണ്ടുതന്നെ വൈദികര്‍ ഒരു വ്യക്തി മരിച്ചാല്‍ ഉത്തമ സമയത്ത് മൃതശരീരം അഗ്നിയില്‍ ദഹിപ്പിക്കുകയാണ് ചെയ്യാറ്. ഇത് സംസ്‌കാര ക്രിയകളില്‍ ഒടുവിലത്തേതുമാണ്. ജീവന്‍ വേര്‍പെട്ടുപോയ ശരീരത്തെപ്പോലും സംസ്‌കരിക്കുന്ന വൈദിക പദ്ധതി.
ഈ പതിനാറ് സംസ്‌കാരങ്ങളാണ് ഹിന്ദുവിന്റെ നൈമിത്തിക ആചരണങ്ങള്‍.
-ജ്യോതിഷ രത്നം പ്രശാന്ത് കണ്ണോം-
സംന്യാസം :
വാനപ്രസ്ഥാശ്രമ ജീവിതത്തോടെ വിവേക-വൈരാഗ്യാദികള്‍ നേടിയ ജ്ഞാനവൃദ്ധര്‍ ഉത്തമസമയത്ത് സ്വീകരിക്കുന്ന ആശ്രമമാണ് സംന്യാസാശ്രമം. അതുവരെ നേടിയ അറിവുകള്‍ മുഴുവനും ലോകോപകാരത്തിനുവേണ്ടി സമര്‍പ്പിക്കാന്‍ ഒരിടത്തുനിന്ന് മറ്റൊരിടത്തേക്ക് യാത്ര ചെയ്യുന്നത് സന്യാസിയുടെ ധര്‍മ്മമാണ്. അതിനിടയ്ക്ക് മരണം വന്നാല്‍പോലും അതിനെ ഇരുകൈയും നീട്ടി സ്വീകരിക്കാന്‍ സംന്യാസി തയ്യാറുമായിരിക്കും.
-ജ്യോതിഷരത്നം പ്രശാന്ത് കണ്ണോം-
വാനപ്രസ്ഥം:
വിവാഹ സംസ്‌കാരത്തിലൂടെ ഗൃഹസ്ഥാശ്രമത്തില്‍ പ്രവേശിക്കുന്ന വ്യക്തി തന്നില്‍ നിക്ഷിപ്തമായിരിക്കുന്ന കര്‍മങ്ങളെല്ലാം നിവര്‍ത്തിച്ചതിനു ശേഷം (മക്കളും പേരക്കുട്ടികളും ഉണ്ടായ ശേഷം) ശുഭ മുഹൂര്‍ത്തത്തില്‍ പ്രവേശിക്കുന്ന ആശ്രമമാണ് വാനപ്രസ്ഥം.ഏകാന്തതയില്‍ ധ്യാനത്തിലൂടെ ജ്ഞാനം നേടാനുള്ള പരമപ്രധാനമായ യാത്രകൂടിയാണിത്.
-ജ്യോതിഷരത്നം പ്രശാന്ത് കണ്ണോം-
വിവാഹം :
ഉത്തമ മുഹൂര്‍ത്തത്തില്‍ ബന്ധുക്കളുടെയും ആചാര്യന്റെയും അനുഗ്രഹത്തോടെ ഗൃഹസ്ഥാശ്രമ(കുടുംബജീവിത)ത്തിലേക്ക് പ്രവേശിക്കാനുള്ള സംസ്‌കാര കര്‍മമാണ് വിവാഹം. വിവാഹ ജീവിതത്തില്‍ ഉണ്ടാവാനിടയുള്ള വിഷമതകള്‍ പരിഹരിക്കുന്നതിനും നല്ല കുടുബജീവിതം നയിക്കാനുമുള്ള പ്രാപ്തി കൈവരിക്കാനുള്ള കര്‍മ്മങ്ങളടങ്ങിയതാണ് വിവാഹ സംസ്‌കാരം.
-ജ്യോതിഷരത്നം പ്രശാന്ത് കണ്ണോം-
സമാവര്‍ത്തനം :
പൂര്‍ണ ബ്രഹ്മചര്യവ്രതം പാലിച്ച് സകല വിദ്യകളും അഭ്യസിച്ചതിനുശേഷം ബ്രഹ്മചാരിയെ താന്‍ പഠിപ്പിച്ച സ്ഥാപനവും തന്റെ വീട്ടുകാരും ഒരു ഉത്തമ മുഹൂര്‍ത്തത്തില്‍ അംഗീകരിക്കുന്ന സംസ്‌കാര കര്‍മമാണിത്.ഇതിലൂടെ സമൂഹത്തിന്റെ അംഗീകാരം കൂടി ലഭിക്കുന്നു.
-ജ്യോതിഷരത്നം പ്രശാന്ത് കണ്ണോം-
വേദാരംഭം :
ഉത്തമ നക്ഷത്ര ദിവസം നല്ല മുഹൂര്‍ത്തത്തില്‍ ശിഷ്യന് ആദ്യമായി ഗായത്രി എന്ന ഗുരുമന്ത്രം ദീക്ഷയായി നല്‍കുന്ന സംസ്‌കാരകര്‍മമാണ് വേദാരംഭം.
സന്ധ്യാവന്ദനാദികളായ നിത്യകര്‍മ്മങ്ങളില്‍ ഗായത്രി ഉപാസന വളരെ പ്രധാനമാണ്.
-ജ്യോതിഷരത്നം പ്രശാന്ത് കണ്ണോം-
