മറ്റുള്ളവരിൽ ഈശ്വരാംശം ദർശിക്കുന്നവൻ ജ്ഞാനി.ഈ ദർശനം വിജ്ഞാനിക്കുണ്ടാകണമെന്നില്ല.വായിച്ചു നേടുന്നത് വിജ്ഞാനം.ധ്യാനത്തിലൂടെ നേടുന്നത് ജ്ഞാനം.ജ്ഞാനിയിൽ അഹംകാരമുണ്ടാകില്ല.എന്നാൽ വിജ്ഞാനിയിൽ അഹംകാരം ഉണ്ടായേക്കാം.നമുക്ക് ജ്ഞാനം നേടാം.
-ജ്യോതിഷരത്നം പ്രശാന്ത് കണ്ണോം-
ആവശ്യമില്ലാത്ത കാര്യത്തിൽ തലയിടാതിരിക്കുക.ഏതുകാര്യത്തിലും ഇടപെട്ട് കേമത്തരം പ്രകടിപ്പിക്കരുത്.പക്വതയോടെ ശാന്തമായി പെരുമാറുക.ആലോചിച്ചു സംസാരിക്കുക.സംസാരം ഇരുതല മൂർച്ചയുള്ള വാളാണ്.സൂക്ഷിച്ചു പ്രയോഗിക്കാം.
-ജ്യോതിഷരത്നം പ്രശാന്ത് കണ്ണോം-
അറിവുള്ള വിഷയത്തിൽ മാത്രം സംസാരിക്കുക.അൽപജ്ഞാനം അപകടം ചെയ്യും. അനാവശ്യ തർക്കങ്ങൾ ഒഴിവാക്കുക .വാദിച്ചു ജയിച്ചാലും മനശ്ശാന്തി നഷ്ടമാകും.മൗനം വിദ്വാന് മാത്രമല്ല എല്ലാവർക്കും ഭൂഷണമാണ് എന്നറിയുക.മൗനം ശീലിക്കാം.
-ജ്യോതിഷരത്നം പ്രശാന്ത് കണ്ണോം-
നാം സത്യം പറയുക ധർമ്മം ആചരിക്കുക.മനസ്സാക്ഷിയുടെ കോടതിയിൽ നീതി കിട്ടുന്ന പ്രവൃത്തികൾ മാത്രം ചെയ്യുക.ആരേയും വഞ്ചിക്കാതിരിക്കുക.സഹായിച്ചില്ലേലും ഉപദ്രവിക്കാതിരിക്കുക.എംകിലേ ശാന്തിയും സമാധാനവും കൈവരൂ എന്നറിയുക.
-ജ്യോതിഷരത്നം പ്രശാന്ത് കണ്ണോം-
നാം പരാശ്രയം കൂടാതെ ജീവിക്കാൻ ശ്രമിക്കണം. ഒരാൾ മനസ്സറിഞ്ഞു സഹായിച്ചാൽ അയാളെ വീണ്ടും വീണ്ടും ആശ്രയിക്കരുത്.നമുക്ക് ചെയ്യാൻ സാധിക്കാത്തതായി ഒന്നുമില്ല എന്ന് ഉറച്ചു വിശ്വസിക്കുക.അങ്ങിനെയായാൽ അത്യാവശ്യ ഘട്ടങ്ങളിൽ ഈശ്വര കൃപ ലഭിക്കും എന്നറിയുക.നല്ല ശ്രമം വിജയത്തിലെത്തിക്കും.
-ജ്യോതിഷരത്നം പ്രശാന്ത് കണ്ണോം-
ഒരു തീരുമാനത്തിലുമെത്തിച്ചേരാൻ കഴിയാതെ കടുത്ത മാനസിക സമ്മർദ്ദം അനുഭവിക്കേണ്ടി വരുന്ന ചില സന്ദർഭങ്ങൾനമുക്കുണ്ടാവാറുണ്ട്.ആ ഘട്ടങ്ങളിൽ ഒരിടത്ത് ശാന്തമായി കണ്ണടച്ച് നിവർന്നിരിക്കുക.അവനവന് വിശ്വാസമുള്ള ഈശ്വരരൂപം സംകൽപിച്ച് ആ നാമം മനസ്സിൽ ഉരുവിട്ടു കൊണ്ട് ശ്വാസം ദീർഘമായി സാവധാനം അകത്തോട്ടെടുക്കുക സാവധാനം പുറത്തോട്ടും വിടുക.ഒരു പത്ത് മിനിറ്റ് ഈ നിലയിൽ തുടരാൻ ശ്രമിക്കുക.നമുക്ക് മനശ്ശാന്തിയും സമാധാനവും കൈവരും എന്നറിയുക. ഏതു പ്രശ്നത്തേയും തരണം ചെയ്യാനുള്ള മനോബലം നമുക്കു ലഭിക്കും.നമുക്കു ശ്രമിക്കാം.
-ജ്യോതിഷരത്നം പ്രശാന്ത് കണ്ണോം-
നമുക്കു ജന്മം നൽകിയ മാതാപിതാക്കളുടെ ആചാരവും സംസ്കാരവും കുലതൊഴിലും അം ഗീകരിക്കുക.കാരണം നമ്മുടെ ഇച്ഛയാലല്ല നാംജന്മമെടുത്തത്.അവരിൽ നാം ജനിക്കണമെന്നത് ഭഗവദേച്ഛയായിരുന്നു.നമ്മുടെ അർഹതയ്ക്കനുസരിച്ച ജന്മമാണ് നമുക്ക് ലഭിച്ചത്.അതിനാൽ ഏത് സാഹചര്യമായാലും സന്തോഷിക്കുക ഈശരൻ രക്ഷിക്കും.
-ജ്യോതിഷരത്നം പ്രശാന്ത് കണ്ണോം-
നാം കടുത്ത പ്രശ്നങ്ങളിലൂടെയും പ്രയാസങ്ങളിലൂടെയുമാണ് കടന്നു പോകുന്നത് എംകിൽ അറിയുക സുഖത്തിന്റെയും സന്തോഷത്തിന്റേയും നല്ല നാളുകൾ ഏറെ താമസിയാതെ വന്നണയും.സമുദ്രം അലറിയിളകി വന്നാലും ശാന്തമായി പുഞ്ചിരിയോടെ നേരിടാം. കാരണം ഈശ്വരൻ നമ്മോടൊപ്പമുണ്ട്.ഓരോ നിമിഷവും ഈശ്വരസ്മരണ നിലനിർത്താം.
-ജ്യോതിഷരത്നം പ്രശാന്ത് കണ്ണോം-
നമ്മുടെ മനസ്സ് വെണ്ണപോലെ പരിശുദ്ധമായിരിക്കണം.ഒരു ചെറിയ കരടുപോലും അപകടകരമാകും.നാം പരിശുദ്ധരാണ് എന്ന് മറ്റുള്ളവരെ ബോദ്ധ്യപ്പെടുത്തിയിട്ട് കാര്യമില്ല.സ്വന്തം മനസാക്ഷിക്കുബോദ്ധ്യപ്പെടണം.എംകിലേ ഈശ്വര കൃപ ലഭിക്കൂ എന്നറിയുക.ഈശ്വര കൃപ നേടാം.
-ജ്യോതിഷരത്നം പ്രശാന്ത് കണ്ണോം-
പറയാനായ് പറയാതിരിക്കുക പ്രദർശിപ്പാനായ് പ്രവർത്തിക്കാതിരിക്കുക.പറയേണ്ടത് മാത്രം പറയുക പറയുന്നത് പ്രവർത്തിക്കുക.സ്നേഹിക്കുക ഭക്തിവളർത്തുക പ്രപഞ്ച ശക്തിയിൽ ഉറച്ചു വിശ്വസിക്കുക.ജീവിത വിജയം നമുക്ക് കൈപ്പിടിയിലാക്കാം.
-ജ്യോതിഷരത്നം പ്രശാന്ത് കണ്ണോം-
നമ്മുടെ ദൗർബല്യം എന്താണെന്ന് നമുക്ക് കൃത്യമായി അറിയാം.നമ്മുടെ എല്ലാ തരത്തിലുമുള്ള ഉയർച്ചക്ക് തടസ്സമാകുന്നതും ഈ ദൗർബല്യമാണ്.അതിനാൽ ഈ ശത്രുവിനെ നാം ആദ്യം ജയിക്കണം.അങ്ങിനെയായാൽ എല്ലാ ഉയർച്ചയും ഈശ്വരൻ നൽകും എന്നറിയുക.
-ജ്യോതിഷരത്നം പ്രശാന്ത് കണ്ണോം-
ഉത്തരകേരളത്തിൽ കണ്ണൂർ മാടായിക്കാവിലെ പൂരമഹോൽസവംഏറെ പ്രശസ്തമാണ്.പൂരം നാളിൽ വടുകുന്ദ തീർത്ഥസ്ഥാനത്ത്ദേവിയുടെ പൂരംകുളി ദർശിച്ച് സായൂജ്യമണയാൻ ആയിരങ്ങൾ ഒത്തുചേരും.ജന്മാന്തര ദുരിതങ്ങൾ അകറ്റി ഭക്തർക്ക് മുക്തിയേകുന്നു മാടയിക്കാവിലമ്മ.ഭദ്രകാളി സ്നഹസ്വരൂപിണിയായി വരദായിനിയായി ഇവിടെ വിരാജിക്കുന്നു.പഴയങ്ങാടി റെയിൽവേ സ്റ്റേഷനിൽ നിന്നും രണ്ട് കിലോമീറ്റർ ദൂരമേ കാവിലേക്കുള്ളൂ.
-ജ്യോതിഷരത്നം പ്രശാന്ത് കണ്ണോം-
ദിവസത്തിന്റെ കണക്കു പുസ്തകത്തിൽ ചേർക്കാൻ ഒരു നന്മയെംകിലും നാം ചെയ്യണം.ഒരു സേ്നഹനിർഭരമായ പെരുമാറ്റം,ഒരു സേവന കർമ്മം.കുടുംബത്തിലും സമൂഹത്തിലും ഒരു മാതൃകയാവാൻ നമുക്കു കഴിയണം.സമയം കഴിഞ്ഞു കൊണ്ടേയിരിക്കും.ഒരു നിമിഷവും പാഴാക്കാതിരിക്കാം.
-ജ്യോതിഷരത്നം പ്രശാന്ത് കണ്ണോം-
ആദ്ധ്യാത്മിക മാർഗ്ഗത്തിലുള്ള നമ്മുടെ യാത്ര എപ്പോഴും തനിച്ചാണ് എന്നറിയുക. ഗുരുവഴികാട്ടിയാകും.ഒരടിഈശരനിലേക്കടുക്കാൻനാംതന്നെമനസ്സുവെക്കണം.ഗ്രന്ഥപാരായണവും സത്സംഗവും ജ്ഞാനമേകും.ഭക്തിയില്ലാത്ത ജ്ഞാനം അപൂർണ്ണമാണ്.ജപമാണ് ഈ യുഗത്തിലെസാധന.കുടുംബത്തോടോപ്പമാണെംകിലും സ്നഹം പകർന്നും സേവനം ചെയ്തും ഞാൻ ഏകനാണ് എന്റെലക്ഷ്യംഈശ്വരസാക്ഷാത്കാരമാണ് എന്ന ബോധത്തിൽ ജീവിക്കണം ന മ്മുടെ ശ്രമം ഈശ്വരൻപൂർത്തീകരിക്കും
-ജ്യോതിഷരത്നം പ്രശാന്ത് കണ്ണോം-
നമുക്ക് അസംഭവ്യമെന്ന് തൊന്നുന്ന കാര്യങ്ങൾ സംഭവ്യമാക്കാൻ കഴിവുള്ളത് ഈശ്വരനാണ്.ഇത്തരം ഘട്ടങ്ങളിൽ കൂടുതൽ ആലോചിക്കാതെ മനസ്സറിഞ്ഞു ഈശ്വരനെ വിളിക്കുക.നമ്മുടെ പ്രവൃത്തിയിൽ നന്മയുണ്ടെംകിൽ ഈശ്വര സഹായം ലഭിക്കും എന്ന് അറിയുക. ഈശ്വരനിൽ ഉള്ള പൂർണ്ണ ശരണാഗതി ആപത്തുകളെ തട്ടിയകറ്റും.
-ജ്യോതിഷരത്നം പ്രശാന്ത് കണ്ണോം-
നമ്മുടെ സമപ്രായക്കാരായ സുഹൃത്തുക്കളും ബന്ധുക്കളും നമ്മെക്കാളും ഉയർന്നനിലയിലേക്ക് കയറിപ്പോകാറുണ്ട്.അത് അവരുടെ പൂർവ്വ ജന്മ സംസ്കാരത്തിന്റെ അർഹതയ്ക്കനുസരിച്ചാണെന്ന് ഉറച്ചു വിശ്വസിക്കുക.ഈശ്വരൻ നൽകുന്ന ഈ അർഹതയ്ക്ക് പാത്രമാവാൻ ഈ ജന്മത്തിൽ നമുക്ക് കർമ്മശുദ്ധി ഉറപ്പു വരുത്താം.നല്ലവാക്കും നല്ല പ്രവർത്തിയും നന്മയിലേക്ക് നയിക്കും.
-ജ്യോതിഷരത്നം പ്രശാന്ത് കണ്ണോം-
ഞാൻ ചെയ്യുന്നതാണ് ശരി, എനിക്ക് എല്ലാമറിയാം ഈ മനോഭാവം ആദ്യം മാറ്റിയെടുക്കുക.ഈശ്വര കൃപനേടാൻ ഇതാവശ്യമാണ്എന്നറിയുക.പ്രകൃതിയിൽ നിന്നും ഒരുപാട്അറിയാനുണ്ട്.ശരിയും തെറ്റും ഈശ്വരൻ തീരുമാനിക്കും.
-ജ്യോതിഷരത്നം പ്രശാന്ത് കണ്ണോം-
മറ്റുള്ളവരുടെ ആദരവ് പിടിച്ചു പറ്റാൻ നാം ഒരു പ്രകടനവും നടത്തണ്ടതില്ല.നമ്മുടെ മനസ്സാക്ഷിയുടെ ആദരവ് നേടാനാണ് ശ്രമിക്കേണ്ടത്.അങ്ങിനെയായാൽ മറ്റുള്ളവരുടെ ആദരവ് തനിയെ വന്നു ചേരുംഎന്നറിയുക. നന്മ ചെയ്യാം ഉള്ളറിഞ്ഞ് സ്നേഹിക്കാം.
-ജ്യോതിഷരത്നം പ്രശാന്ത് കണ്ണോം-
നല്ല ഭക്ഷണം വില കൂടിയ വസ്ത്രം ആഡംബര ജീവിതം എന്നാൽ മനശാന്തിയില്ലെംകിൽ എന്തു പ്രയോജനം.മനശാന്തി പണം കൊണ്ടു നേടാൻ കഴിയാത്തതാണ് എന്നറിയുക.നമ്മുടെ നല്ല പ്രവൃത്തികൾ പ്രകൃതിയിലെ ജീവജാലങ്ങളോടുള്ള സ്നേഹം ഈശ്വരവിശ്വാസം ഇവ നമുക്ക് മനശാന്തിയേകും.അതിനാവട്ടെ നമ്മുടെ ശ്രമം.
-ജ്യോതിഷരത്നം പ്രശാന്ത് കണ്ണോം
